Ínchaha wamá amu lau ubebeni lun hadügüni le buídubei

Lidan Ebüréu 10:24 amisurahóuatiwa lun “wáfaagun wíderaguniña wíbirigu lun hínsiñehabu hamá, luma lun hadügüni le buídubei”. Gayaraati wíderagun amu gürigia lau wani hénpulu luma lau wadimurehan luagu wafiñen. Ligía buidu lubéi wabahüdaguni lubuidun burí sügǘ le wawinwandubei lidan apurichihani houn amu. Adüga wamá lun harihini barǘ lan weseriwidun lun Heowá ugundani woun. Gama lumoun, meredera wamá etenira lun le hadügübei amu lun warihini anhein adüga habéi lóugiñe le wadügübei (Gal. 6:4). Áfaagua wamá lun wínchahaniña lun “hínsiñehabu hamá, luma lun hadügüni le buídubei”, madüga wamá lun hasandiragun houngua lau duru (ariha humóun líburu Benefíciese páhina 158, párafu 4). Ánhawa íderaguaña wíbirigu lun hínsiñehabu hamá ménrenguntimabei houn hadügübei le buídubei, kéiburi híderaguniña ha mégeihabubaña o hapurichihan (2 Ko. 1:24).