Yusu waméi tubafu Lererun Bungiu darí lumoun lagumuhóun lidan ministeriu
Dan le laganbuniwa aban gürigia lidan apurichihani, meferidirúntiwa chansi lun waliihan aban bérusu tídangiñe Bíbülia lun. Ka uagu? Ladüga subudi wamani weiri lan tubafu Lererun Bungiu. Lidan yanu le gíribei “Yusu waméi tubafu Lererun Bungiu buidu lidan wani ministeriu” le líchugubei óunigiruti sirkuitu lidan weyu espechaliti lánina adamurini irumu le ásügürübei, agiribuhóuati luagu lisudinin ladügǘniwa katei le. Águyuguagüda wamá fiu lídangiñe puntu súdiniti le ariñawagúbei lidan yanu ligía.
Ka uagu gabafutima tubéi Lererun Heowá sügǘ lau wererun? (2 Tim. 3:16, 17.)
Ka uagu wariñaga adüga tan Bíbülia lun wasandirun ugundani, íruni o katei líbeina lira, lasansirun ligaburi wasaminan, warihini kátima lan lébunabei wadügüni katei ani íderagua tániwa abuiduragüdei ligaburi wóuserun? (Ariha humóun Garüdia Atalaya to lánina 1 lidan sisi-hati, irumu 2012, páhina 30, párafu 7.)
Danme le waliihan somu bérusu tídangiñe Bíbülia lun aban gürigia lidan apurichihani, ka gayaraabei wariñaguni furumiñe lun wadügün lun tinebedun Bíbülia lun? (Ariha humóun líburu Benefíciese, páhina 148, párafu 3 luma 4, tuma Wani Ministeriu to lánina ǘrüwa-hati, irumu 2013, páhina 6, párafu 8.)
Ka uagu súdini lubéi wafuranguagüdüni bérusu tídangiñeti Bíbülia le waliihabei houn gürigia lun gayara lan wíderaguniña asaminara? Ida luba wadügüni? (Adü. 17:2, 3, TNM; ariha humóun líburu Benefíciese, páhina 154, párafu 4, darí páhina 156, párafu 5.)