Areidabei dimurei burí le tidan banigi
Ítara haña agübürigu kei óunigirutiña mudún. Mosu hóunigiruniña hasaanigu kei lóunigiruniña hóuniri mudún mudún, lugundun gayaraati hacharagadun o lasuseredun somu katei wuribati houn (Ari. 27:23). Ka gayaraabei hadügüni agübürigu lun hóunigiruniña hasaanigu buidu? Súdiniti lun hasagarun dan lun hayanuhan hama sagü weyu. Ítararügübei hasubudiruni ka lan tídanbei hanigi luma lidan hasaminan (Ari. 20:5). Mosu giñe hederebudagüdüni hafiñen hasaanigu lau hayusurun ídemuei le gayaraati líderaguniña awanda óuchawaguni le ítarati kei watu gemeti (1 Ko. 3:10-15). Arihúati lidan bidéu le gíribei Estas palabras tienen que estar en tu corazón ka lan uagu súdini lubéi lun gabügürügua lan ladügǘniwa áhuduraguni kei iduheñu. Ariha huméi úara, lárigiñe ábame hakutihani álügüdahani le asigirubei.
1) Ka meha uagu mama lubéi lun hamadagua luma Bungiu hetenira iduheñu Román? 2) Ka meha uagu mabuidun lubéi lidin lun íbiri Román dan le lagumeserunbei áfaagua lun laturiahan hama liduheñu? 3) Según tariñaguni Bíbülia, ka lunbei hadügüni agübürigu lun hagüriahaniña hasaanigu buidu? (2 Lur. 6:6, 7.) 4) Ka gayaraabei ladügǘniwa lun buídutima lan hayanuhan iduheñu hámagua? 5) Ka sákürifisiu lunbei hadügüni agübürigu lun habuidun guánarügü hasaanigu? 6) Ida liña híderaguniña íbirigu Bargas liduheñu íbiri Román? (Ari. 27:17.) 7) Ida luba laranserun úguchili anhein busén lubéi lun buidu lan léibugun katei lidan Guñoun lánina Háhuduragun Iduheñu lun Bungiu Úara? 8) Ka ladügübei íbiri Román lun lasansirun léibugun katei hadan liduheñu? 9) Ka uagu mosu lubéi ladügǘniwa áhuduraguni kei iduheñu súnwandan? (Efe. 6:4.) 10) Írida humá somu katei le gayaraabei ladügǘniwa lidan áhuduraguni kei iduheñu? 11) Dan le layanuhanbei Tomasi luma lisaani le íbugañaü luagu lisudinin ladügǘniwa le buídubei, ka uagu buidu lubéi lariñaguni lun lau deregüdaü ani meferidirunga lidarangilan? (Her. 17:9.) 12) Ida liña líderagunu Tomasi tuma Mónika hasaani lun desidírü tan buidu lidan luáguti tidaradun luma Yostin? (Mar. 12:30; 2 Tim. 2:22.) 13) Ka uagu gayara lubéi hariñagun arufuda lan Tomasi tuma Mónika afiñeni dan le desidírü habéi hagidarun lídangiñe ihürügu le lídanbei habagari? (Mat. 6:33.) 14) Ida liña líderaguniña bidéu le ichügüdinaü asubudirei mosu lan hóunigiruni hamadagua haduheñu luma Bungiu? (1 Tim. 5:8.) 15) Ka lunbei hakipuruni ichügüdinaü lidan hasaminan mosu lan hadügüni?
ABÜRÜDǗNI HOUN AGÜBÜRIGU: Dan le lichugúnbei dürama le lidan adamurini distritu le adügǘbei lidan irumu 2011, gunfuranda humuti san gayara lan habuiduragüdüni ligaburi hadügüni háhuduragun kei iduheñu? Lárigiñe harihini bidéu le, arihatün san amu katei le ídanti gayara lan habuiduragüdüni? Amuriaha humá luma Heowá lun líderagunün adügei asansiruni le mégeiwabei gayara láamuga hesefurun hiduheñu (Efe. 5:15-17).