Fánreinti Lánina Álügüdahani

◼ Ídaba buidu lan ladüraawagún aban aturiahani tídangiñeti Bíbülia?

Anhein araramagua lawanserun aban aturiahati Bíbülia, mosu wariñaguni lun lau duari wadüraaguaali lan waturiahan luma (Mat. 10:11). Álügüdagua humá hungua: Aranseñu liña san lun laturiahan lidan weyu luma oura le anúadira humaalibei lun haturiahan? Aturiaha lumuti san leksióun lubaragiñe lachülürün oura lun haturiahan? Ñǘdünhali san lidan somu adamuridaguni? Abahüdagua lumuti san le lafurendeirubei houn amu? Gumeseeli san afalarei adundehani méiniti le tídanbei Bíbülia lidan libagari? Mosu gabaroun wamani lirumudiri kada aturiahati, le liyaraabei afurendeira luma ámuñegueinarügü lan hawanserun gürigia hawariuagua. Gama lumoun, ánhawa desidírü wadüraaguni aturiahani le wíchugubei lun gürigia ígira waméi bena hunren lubá lubaame busenya lan laturiahan (1 Tim. 2:4).