Elifási
Másiñati lídangiñeti lan meha uburugu Temán le lumúanrugubei Edomu Elifási. Lidan Heremíasi 49:7, ayanuhóuati luagu Temán kei aban fulasu le ñein lubéi gibe hamá edomuna ha wéiriti lichú hau.
Genegeti ligía lan meha derebugutimahalibei hádangiñe ǘrüwagubei ani másiñati lererun lan gabafutimabei hádangiñe súngubei. Elifási adimurehabei furumiñe. Ǘrüwañein yanu líchugun ani liyanun miginagutimabei lídangiñe súngubei.
Iyeeni le aubei líchiga lidurun
Adügati lun machoururuniwa lan anhein le lubéi lúgubu úaragua lan Hobu lun Bungiu, ariñaga ligía mafiñen lan Bungiu hawagu lubúeingu (Hob 4, 5).
Ariñagati marasualugu lan Hobu, salufuri lan, mineben ligía Bungiu lun (Hob 15).
Ariñagati óusera lan Hobu lau luéinamun agu luma marichaü ani mahuudun hamá gürigia lun Bungiu (Hob 22).
Bilüdádü
Iyeeni le aubei líchiga lidurun
Ariñagati ladüga lan hafigouhan lisaanigu Hobu hóunwegunbei ani ligía lan abeichúni hadünabei, adügati giñe lun lasaminarúniwa mineben lan Bungiu lun Hobu (Hob 8).
Ariñagati wuriba lan Hobu (Hob 18).
Ariñagati meseriwín lan lun ni kata úaragua lan gürigia lun Bungiu (Hob 25).
Sofarü
Naamatüna meha, másiñati labadinagua lan meha nórute luma oubaü le ñeinhin lubéi lálüda Weyu libiti Arawia laganawa.
Ligía meha lǘrüwanbei íchuguti yanu ani ligía wéiritimabei abuleseihan lau lererun. Biánrügüñein wéiyaasu layanuhan.
Iyeeni le aubei líchiga lidurun
Ariñagati adimuredügü lan Hobu ariñaga ligía lun lun ladisedagüdüni figóu luáriua (Hob 11).
Adügati lun lasaminarúniwa wuriba lan Hobu ani ítara liña lan figóu lun kei dan leigin éigini semeeti (Hob 20).