Áyeiha waméi ligaburi Kristu: Afiñeni

KA UAGU SÚDINI LUBÉI?

• Siñati wagundaaragüdüni Bungiu anhein mafiñen wabéi luagu (Ebü 11:6).

• Íderagua lumutiwa wafiñerun luagu burí lani Bungiu füramasei lun wawandun lénrengunga (1 Fe 1:6, 7).

• Gayaraati ladügün lilouguan afiñeni lun wafigouhan (Ebü 3:12, 13).

LE LUNBEI WADÜGÜNI:

• Amuriaha wamá lanwoun wafiñen luma Heowá (Luk 11:9, 13; Gal 5:22).

• Aliiha wamóun Lererun Bungiu ani ráramagua wamá asaminara luagun le waliihabei (Rom 10:17; 1 Tim 4:15).

• Sügǘ wamá dan hama gürigia ha arufudatiña afiñeni (Rom 1:11, 12).

ARIHA HUMÉI BIDÉU DISE WAMÁ LUÉI SUN LE ADÜGÜBEI LUN LARABAHAN WÓUSERUN LAU ÚARAGUNI: AFIÑENI, LÁRIGIÑE ÓUNABA HUMÉI ÁLÜGÜDAHANI BURÍ LE:

• Katei san afiñeni le inarüniti? (1 Tim 1:5).

• Lun lederebugudun wafiñen, ka hawuyeri gürigia uéibaña mosu lan wadisedun?

• Ka uagu wemegeiruba lubéi afiñeni lídanme saragu asufuriruni? (Ebü 10:39).