Lau sun mama lan liyawadina Aritaguagülei fedu le lánina Luéyuri Esefuruni, furendeitiwa saragu lídangiñe. Kei hénpulu, ariñagati apostolu Pábulu Hesusu lan “mudunbei [le] lánina wesefurun” (1 Ko 5:7). Esefuhati lita Hesusu ítara kei meha esefuha lan lita mudún le áhurudawagubei luagu luágaburi bena (Afu 12:12, 13). Siñati meha giñe láhalachawagun ni aban lídangiñe labu mudún le lunbei leigíniwa lidan fedu le lánina Luéyuri Esefuruni. Ítarameme, máhalachawagunti giñe ni aban lídangiñe labu Hesusu, íbini ligía lan meha adügǘbei houn ha asiadirubaña lun hounwen (Afu 12:46; Hn 19:31-33, 36).