Haritagua humá luagu le asuseredubei tun lúmari Lotu

Ka meha uagu tadigiragua lúmari Lotu ariha tárigoun dan le háfuridunbei Sodomagiñe? Mariñagun tumuti Bíbülia (Agu 19:17, 26). Según eweridihani le líchugubei Hesusu, genegeti ladüga lan ayumaha tani le tígirubei tárigiñegua (Lk 17:31, 32). Ka lunbei wadügüni lun meferidirun wamani línsiñehabu Bungiu kei meha teferidiruni lúmari Lotu? Moun lumuti wígirun lun laluahóun lan umegeguni luma lubuidun dan anügei ubaraü le súdinitimabei lidan wabagari (Mt 6:33). Arufudahati Hesusu woun siñá lan “leseriwidúniwa lun Bungiu luma lun seinsu” (Mt 6:24). Ánhawati ariha wagumeseruña lan íchigei umegeguni lóugiñe katei burí le lánina weseriwidun lun Bungiu? Gayaraati wafurieidun lun Heowá lun líchugun lichú aau woun lun warihini ka lan idan megei wamá wadügün asansiruni lidan wabagari luma lun líchugun erei luma ganigi woun lun wadügüni.

HARITAGUA HUMÉI LE HARIHIBEI LIDAN ǗRÜWA FÁNREINTI LÁNINA BIDÉU LE GÍRIBEI HARITAGUA HUMÁ LUAGU LE ASUSEREDUBEI TUN LÚMARI LOTU, ÁBAMETI HÓUNABUNI ÁLÜGÜDAHANI BURÍ LE:

• 

  Ida liña larihíniwa lidan ligaburi tasaminarun Gloria, tayanuhan luma tóuserun luagu hasansiruñoun lan amu lau hadügüdarun tuagu lun tagañeirun seinsu?

• Ida liña lahuudun le asuseredubei tun lúmari Lotu woun uguñe weyu keisi aban eweridihani?

• Ida liña líderaguni adundehani le tídanbei Bíbülia You hau sun liduheñu?

• Ida liña hadügün hagübüri umadagu lun lagadeirun tumadagua Ana luma Heowá?

• Ka uagu megei wabéi lun ganigi wamá anhein hadügüdaruña lubéi amu wawagu lun wíchuguni seinsu furumiñe lidan wabagari?

• Ka íderagubalin Brayan tuma Gloria lunya híchuguni heseriwidun lun Heowá furumiñeti lidan habagari?

• Ka burí adundehani tídangiñeti Bíbülia arufudúbei lidan bidéu le?