ARUFUDAHANI GEBEGITI TÍDANGIÑETI BÍBÜLIA | HUAN 5, 6
Falá huméi Hesusu lau resun le richabei
Dan le lariñagunbei Hesusu aban katei le hénrengubei lun gunfuranda hamani lani disipulugu, aba hasandirun fiu hádangiñe óuseragua lániña Hesusu lau le lariñagubei ani aba mafalarun hamaali lan. Aban weyu lubaragiñe, ruti Hesusu éigini houn lau aban milaguru, arufudei ítara lúmagiñe lan Bungiu liabin lubafu. Ka uagu hadiseda gürigia ha luéi Hesusu? Genegeti meha hafalaruñein lan Hesusu lúnrügü líchuguni le hemegeirubei houn.
Álügüdagua humá hungua: “Ka uagu nafalarei Hesusu? Ladüga san abiniruni le númabei uguñe o le lunbei nibihini, odi ladüga hínsiñe lan Heowá nun ani busentina nadügüni lugundan?”.
Ka uagu gayara lubéi wadisedun luéi Heowá ánhawa eseriwida lun ladügarügü...
... hínsiñe lan woun wásügürün dan hama íbirigu?
... busén wamá wawinwandun lidan Paraísu?