Habihin lílana damuriguaü kristiánu sífiri sandu

2:1-8, 14, 37, 38, 41-47

Lídangiñe meha amu burí ageiraü hayabin saragu hádangiñe huríu ha Herusalénbaña lubá fedu Pentekosutesi le lánina irumu 33 (Adü 2:9-11). Lau sun meha gúnfuli hamá huríu hagía lau Lilurudun Moisesi, másiñati winwan hamani sun habagari lidan amu burí ageiraü (Her 44:1). Ligíati, másiñati meha adüga lan ligaburi hayanuhan luma ligaburi haríawagun lun henegetima hamá terencha sügǘ hau huríu. Dan le habadiseirunbei kéiburi ǘrüwa-milu gürigia ha lídangiñetiña ámuñegueinarügü néchani, aba ñéinhaña lan íbirigu ha ámuñegueinarügüti hechun luma hagaburi lidan damuriguaü. Íbini ítara, sagü meha weyu hóundaragun súngubei ténpulurugu (Adü 2:46).

Ka gayaraabei hadügüni lun harufuduni berese humá tídangiñe sun hanigi hau...

• ... gürigia lídangiñetiña amu burí ageiraü ha lídanbaña fulasu le ñein lubéi hapurichiha?

• ... íbirigu lídangiñetiña amu burí ageiraü ha lídanbaña damuriguaü le ñein hubéi?