Layusurúña aban bidéu lun larufudahóun lun aban aturiahati Bíbülia ageiraü Suru Áfürika
Le gayaraabei wariñaguni lidan apurichihani
●○○ FURUMIÑETI HAYANUHAN HAMA GÜRIGIA
Álügüdahani: Ka labusenrubei Bungiu houn gürigia?
Bérusu: Agu 1:28
Lubá leweñegua bisida: Ka uagu chouru wabalin lagunfuliruba lan Bungiu lau le labuserunbei ladügün?
○●○ FURUMIÑETI HAGIRIBUDUN BISIDAÑA
Álügüdahani: Ka uagu chouru wabalin lagunfuliruba lan Bungiu lau le labuserunbei ladügün?
Bérusu: Isa 55:11
Lubá leweñegua bisida: Ida luba ibagari danme lagunfuliruni le labusenrubei Bungiu?
○○● LIBIAMAN HAGIRIBUDUN BISIDAÑA
Álügüdahani: Ida luba ibagari danme lagunfuliruni le labusenrubei Bungiu?
Bérusu: Sal 37:10, 11
Lubá leweñegua bisida: Ka lunbei wadügüni lun weresibiruni le füramase láalibei Bungiu?
TEDEREGEHÓUN AMISURAGÜLEI LUBÁ ARITAGUAGÜLEI (23 lidan ǘrüwa-hati darí 19 lidan gádürü-hati):
Busentiwa wagunbirahanün lidoun aban adamuridaguni wéiriti lisudinin. Anuhán hani agunbirahagülei. Lidan sun ubóu, hóundaraguba saragu míñunu gürigia weyu wándaradi 19 lidan gádürü-hati lun haritaguni lounwen Hesukrístu. Tidan amisuragülei to, hadarirubei halíaba lan ani kaba lan oura ladügǘwa. Agunbiraha wamutün giñe aganba aban yanu tídangiñeti Bíbülia le lunbei lichugún aban dimaasu lubaragiñe Aritaguagülei, anihánba liri: “Áfaagua humá lun hibihini ibagari le tímatimaati!”.
Anhein arufuda gürigia busén lan lasigirun afurendeira, ígira huméi álügüdahani le lubá leweñegua bisida: Ka uagu lounwe Hesusu?