Saminameme humá luagu sun le

Ka uagun? Ínchaha lumutiwa Filipuna 4:8 asaminara luagu sun le inarünibei, sun le gadünabei inebesei, sun le richabei, sun le harumabei, sun le gúndaawabei lau, sun le uágubei buidu lan ladimurehóun, sun le buídubei luma sun le gadünabei uéiriguni. Úati mini lan lira luágunrügübei lan katei tídangiñeti Bíbülia hasaminara kristiánugu. Íbini ítara, lunti wasaminarun luagun katei burí le aubei lagundaara Heowá, le madügünti lun gürewei lan woun lun úaraguameme wamá lun (Sal 19:14).

Hénrenguti masaminarúniwa lan luagun katei wuribati. Mosu wageindagun luma figóu le wádanbei, ageindagua wagíame luma Satanási le “lubungiute ubóu le” (2 Ko 4:4). Kei gabafu lubéi Mafia luagu burí katei le áfuachubei tidan bigibigitu, Internet, radiu o katei líbeina lira, múaranti liibe-agei katei le áfuachubei ñein luma lilurudun Heowá. Anhein manúadahan wamá le webelaagüdübei lidoun wachügü buidu, lagadeiruba ligaburi wasaminan ani lau lásügürün dan, lagadeiruba giñe ligaburi wóuserun (Snt 1:14, 15).

ARIHA HUMÉI BIDÉU DISE WAMÁ LUÉI SUN LE ADÜGÜBEI LUN LARABAHAN WÓUSERUN LAU ÚARAGUNI: LAGÜBÜRI ISEBÁHARI, LÁRIGIÑE, ÁBAME HÓUNABUNI ÁLÜGÜDAHANI BURÍ LE:

• 

  Ka meha laríagubei íbiri lidan ligagamurun ani ida liña ladügün lira lun lasandiragun lungua?

• 

  Ida liña líderaguni le lariñagubei Galasiana 6:7, 8 luma Sálumu 119:37?