Hínsiñetiña gürigia ha harumabaña lun Heowá

Kei busén habéi saragu agübürigu lun haruma hamá hasaanigu arufudahatiña houn lunti lan hachibuni háhabu, harumadahanu harumun, habuidahanu muna luma hasagaruni ifei. Keiti sandu lubéi Heowá, ligíatima busenbei lun haruma wamá (Afu 30:18-20; 2 Lu 23:14; 2 Ko 7:1). Rútiwa uéiriguni lun dan le yarafagua lan wachibaguni burí wamegen luma dan le haruma lan wakipuruni (1 Fe 1:14-16). Harumatu san waban luma sun le geyegubei tau? Añahein gürigia achagahatiña ifei ǘmadarugu luma lidan burí párüke, ánheinti wagía kristiánugu, áfaaguatiwa lun wakipuruni Ubóu le ídanbei wawinwanda harumañu (Sal 115:16; Aruf 11:18). Íbini lidan lirahüñü katei, kéiburi halía lan wágurei tagei bímetu, tagei furesigu tuma chíküle, arufudati ida liña lan warihini arumani. Busentiwa “warufuduni lidan sun katei luagu eseriwidutiña lan lun Bungiu wagía” (2 Ko 6:3, 4).

LÁRIGIÑE HARIHINI BIDÉU HÍNSIÑETIÑA GÜRIGIA HARUMATIÑA LUN BUNGIU, ÓUNABA HUMÉI ÁLÜGÜDAHANI BURÍ LE:

• Ka burí katei hariñagubei fiu gürigia lun marumadahan hamani hamegen?

• Ida liña líderaguniwa Lúrudu le ichugúbei lun Moisesi asubudirei le lasaminarubei Heowá luagu arumani?

• Ida liña gayara lan wíchugun uéiriguni lun Heowá mariñagunga ni kata?