Chu lumuti múa sun duna

Lidan irumu burí le sügühalibei, íderagua hamaaña gumadimatiña lubúeingu Bungiu saragu wéiyaasu (Ésü 6:1-12; Esü 8:10-13). Íbini lidan burí dan le arihaadiwa chu lani “múa” —gumadimatiña ha madereti hasaminan— “duna” lánina éibaahouni le lóunahabei “düragón”, Satanási le Mafia, hárigi lubúeingu Bungiu (Aruf 12:16). Hingí laaru Heowá, “Bungiu le esefuhati”, hanigi saragu gumadimatiña lun híderaguniña lubúeingu (Sal 68:20; Ari 21:1).

Ánheinti dáüwañu hiña lubéi luagu hafiñen? Mabulieida huméi lóunigiruñadün lan Heowá (Agu 39:21-23; Sal 105:17-20). Chouru huméi heresibiruba lan afayeiruahaü luagu úaraguni le harufudubei ani ídeha lan lun lederebugudun hafiñen íbirigu ha lídanbaña sun ubóu (Fili 1:12-14; Aruf 2:10).

ARIHA HUMÉI BIDÉU HÁFURIDUN ÍBIRIGU KOREANA TÍDANGIÑE FURISUN, ÁBAMETI HÓUNABUNI ÁLÜGÜDAHANI BURÍ LE:

• Ka uagu hadaürǘwa saragu milu íbirigu ha lídanbaña ageiraü Koréa le Súrubei lidan burí irumu le sügühalibei?

• Ka katei le hanúadirubei lúrudugu ídehabei lun furigia hamá wábirigu furisunrugugiñe?

• Ka gayaraabei wadügüni lun wíderaguniña wábirigu ha lídangiñetiña sun ubóu ha adaürǘbaña luagu hafiñen?

• Ida luba wayusuruni wadaani buidu guentó lau meberesehan hamaniwa lúrudu lun weseriwidun lun Heowá?

• Ka un yu lan uéiriguni luagu kesi le agañeirúbei ligibugiñe burí liñun-agei lúrudu?