Derebugu wamá guentó lau yarafaali lan lagumuchagüle ubóu

KA UAGU SÚDINI LUBÉI? Yarafa madise, lasusereduba lanarime burí katei le lunbei ladügün lun hénrengu lan woun warufudun ganigi luma afiñeni luagu Heowá kei masuseredunñahagili lan. Lauba tagünrinchawagun relihión mama inarünitu lagumesera saragu asufuriruni (Mt 24:21; Aruf 17:16, 17). Lídanme dan hénrenguti ligía, másiñati wapurichihaba lan aban uganu dǘgüdati lánina asiadirúni (Aruf 16:21). Lábürühaba Gogu le Magoguna wawagun (Ese 38:10-12, 14-16). Ábameti ladügün Heowá lun lagumeserun “óunwenbu luéyuri Bungiu le Suntigabafu” (Aruf 16:14, 16). Anhein busén wabéi ganigi wamá ámuñegü, mosu derebugu wamá dan le wagagibudagun luma lénrengunga guentó.

LE LUNBEI LADÜGǗNIWA:

• Luéigiñe wamá lóubadina lugumadin Heowá luáguti laruman ibagari (Isa 5:20).

• Wáhuduragun lun Heowá úara hama wábirigu (Ebü 10:24, 25).

• Gaganbadi wamá lau lóufudagun lun adundehani le weresibirubei tídangiñe lóundarun Heowá (Ebü 13:17).

• Wasaminarun hulili luagun ligaburi lasalbaruniña Heowá lumutuniña lidan binadu dan (2 Fe 2:9).

• Wafurieidun lun Heowá, afiñe wagíame luagu (Sal 112:7, 8).

LÁRIGIÑE HARIHINI BIDÉU MÉGEIBADIWA GANIGI LUBAAME SUN LE LUNBEI LIABIN (MURUSUN LÍDANGIÑE), ÓUNABA HUMÉI ÁLÜGÜDAHANI BURÍ LE:

• 

  Dan le ladügǘnbei asansiruni lidan damuriguaü, ka chansi ichugúbei houn íbirigu lun harufuduni anhein gaganbadibaña lubéi?

• 

  Ka lánibei gaganbadi luma ganigi?

• 

  Ka uagu mosu lubeime ganigi wamá danme le laduurun Arümahedón?

• 

  Ka abahüdaguni tídangiñeti Bíbülia gayaraabei lederebudagüdüni wafiñen luagu lubafu Heowá lun lesefuruniwa? (2 Kr 20:1-24).