Gayaraati san wíchugun lídangiñe wadaani luma were?

Kei lariñaguni Isaíasi lidan profesía, haganwounduña lílana fánreinti tani lóundarun Heowá le yaabei ubouagu kei masuseredunñahagili lan (Isa 54:2). Ligía mégeiwa lubéi tábunawagun Luban burí Adamuridaguni, Luban Adamurini, áfisi burí to ñein lubéi lásügüragüdüwa tuma amu burí Beteli. Lárigiñe tóunwenbudun muna burí to, mosu taransehóun kada átiri dan. Ruti sun lira chansi woun lun wíchugun lídangiñe wadaani luma were lun Heowá. Kéiburi:

• Wídehan hama lílana sétanu ha arumadahabarun Luban Adamuridaguni le ñein wabéi.

• Gayaraati wíchaagun woungua lun larufudahóun woun ida luba lan waransehani mégeiti tuagu Luban Wadamuridagun.

• Wabuinchagüdünu gárada Solicitud de voluntario local de diseño y construcción (DC-50-S) lun wídehan lidan burí tábunawagun luma lun taransehóun Luban Adamuridaguni lidan fulasu le ñein wabéi.

• Wabuinchagüdünu gárada Solicitud para el programa de voluntarios (A-19-S) lun wídehan luagu aban dimaasu o lóugiñe Betelirugu o tidan burí amu muna to lábugiñeboun taríaahan Beteli to arihiboun lau wageira.

LÁRIGIÑE HARIHINI BIDÉU ABAN ISERI ÁBUNAGUNI (MURUSUN LÍDANGIÑE), ÓUNABA HUMÉI ÁLÜGÜDAHANI BURÍ LE:

• Ida liña laganwoundun layusurún bidéu lúmagiñe irumu 2014?

• Lun ladügǘniwa bidéu burí le wemegeirubei, ka wadagimanu lánina ábunaguni lunbei ladügǘniwa, ani ídaba lagumucha?

• Átiribaña ídehatiña emegeirúa, ani luáguba átiri dan gayara lan houdin?

• Anhein busén wabéi wídehan lidan ábunaguni Rámapo, ka uagu mosu lubéi wabuinchagüdünu gárada DC-50-S ani ídeha wagíame lidan ábunaguni lidan LDC?

• Ka arufudubalin woun anihein lan lúhabu Heowá lidan wadagimanu le?

• Ka amu igaburi ídanbei gayara lan wídehan anhein siñá lubéi woudin ábunagua Rámapo o mawinwandun wamá lidan fulasu le lábugiñebei taríaahan Beteli to Merigaboun?