Latarü burí le tídanbei sanduariu luma ligaburi layusurún lidan láhudurawagun lun Heowá

37:25, 29; 38:1

Adügǘwati meha latarü burí le tídanbei sanduariu kei aubei lariñagei Heowá ani espechaliti meha le mini lubéi latarü burí ligía.

• 

  Hínsiñeti furíei le aranserúabei buidu lun Heowá, ítara kei meha línsiñe líhemen kupali le aranserúabei buidu lun dan le lágudun.

• 

  Ánhati meha Heowá lun adagaragüdüni le adügǘbei lun luagu latarü le lánina adagaragüdüni gudawarügüti. Arufudati latarü le, aranseñu liña lan meha Heowá lun lánharun lun lani Liráü sákürifisiu. Keiti tigibugiñeñein lan meha sanduariu latarü, haritaguagüda lumutiwa lira mosu lan wafiñerun luagu lani Hesusu sákürifisiu lun lánharun Heowá woun (Hn 3:16-18; Ebü 10:5-10).

Mosu meha laransehóun kupali buidu. Ka gayaraabei wadügüni lun buidu lan waransehani wafurieidun? (Sal 141:2).