Agübürigu, arufudaha huméi houn hisaanigu ida luba lan hóunigiragun houngua

Wawinwanduña lidan aban ubóu le arufudahabei buidu lan le wuribabei ani wuriba lan le buídubei (Isa 5:20). Híruti gibe hamá gürigia adügüti le iyereegubei lun Heowá, kéiburi wügüriña ha móuserunbaña lau arumani hama wügüriña háledi o würiña hama würiña háledi. Másiñati háluguba lan hapanaagu wasaanigu leskuelarugu, o amu burí gürigia, lun hínchahaniña óusera kei hagía. Agübürigu, ida luba harufudahan houn hisaanigu lun hóunigiragun houngua luéi katei burí le?

Arufudaha huméi lilurudun Heowá houn (Fad 18:3). Eibu aweirideina hamá, arufudaha huméi houn ka lan tariñagubei Bíbülia luagu agamariduni (2 Lu 6:7). Álügüdagua humá hungua: “Arufudaha naali san houn nisaanigu ka lan ligaburi larufudún ínsiñehabuni buídubei? Subudi hamuti san súdini lan lun hasansiragun keisi lubudubu? Gunfuranda hamuti san anihein lan katei hawagu le moun lumuti harihini amu? Hasubudirubei hamuga san ka lan lunbei hadügüni anhein arufuda somu gürigia iyawaü o bidéu lánina agamariduni houn o lamuriahan hama lun hadügün somu katei wíyeti?”. Anhein subudigia hamá isaanigu sun lira, hadireiruba luéi saragu turobuli (Ari 27:12; Apu 7:12). Dan le warufudahan houn wasaanigu, warufuduñein gebegi lan alagan lúmagiñeti Heowá le woun (Sal 127:3).

LÁRIGIÑE HARIHINI BIDÉU DEREBUGUGÜDA WAMÉI HAFIÑEN WADUHEÑU. GÓUNIGI WAMAÑA WASAANIGU LUÉI “LE WURIBABEI”, ÓUNABA HUMÉI ÁLÜGÜDAHANI BURÍ LE:

• Ka uagu añahein lubéi agübürigu ha hénrengubei houn lun hayanuhan luagu agamariduni houn hasaanigu?

• Ka uagu lunti lubéi hafalaruni agübürigu ladundehan Heowá dan le harufudahan houn hasaanigu? (Efe 6:4).

• Ka ídemuei ru taalibei lóundarun Heowá houn agübürigu?(w19.05 páh. 12).

• Ka uagu súdini lubéi gayanuhadi hamá agübürigu hama hasaanigu lubaragiñe ñein lan turobuli?