Arufuda wamá ínsiñeni houn tílana waban

Ínsiñeni adügübei lun lidan hamá aban iduheñu. Anhein úa lubéi ínsiñeni hénrengubei lun lidan hamá aban luma lun hawadigimaridun úara. Ida luba harufudun wügüriña maríeitiña, würiña maríeitiña hama agübürigu ínsiñeni houn tílana haban.

Aban wügüri maríeiti le hínsiñehabuti gabaroun lubéi le tasaminarubei luma le tasandirubei lani weiriou (Efe 5:28, 29). Ligía arihibei lau le hemegeirubei tílana luban ani íderagua lumutiña ayarafada lun Heowá lidan Áhuduraguni keisi iduheñu (1 Ti 5:8). Aban würi maríeitu to buitu, inebeti lilurudun tani weiriei tun ani arufudatu inebesei lun (Efe 5:22, 33; 1 Fe 3:1-6). Biángubei hagía lunti aranseñu hamá lun ferudunagua hamá hámagua (Efe 4:32). Agübürigu ha buítiña góunigi hamutiña hasaanigu ani arufudahatiña houn lun hínsiñe lan Heowá houn (2 Lu 6:6, 7; Efe 6:4). Ka san lénrengunga úmabei hagagibudagua hisaanigu leskuelarugu? Ida liña hagagibudagun luma hadügüdarun hapanaagu leskuelarugu hawagu? Anhein anihein lubéi ínsiñeni hadan tílana muna, chóurubei hasandiragun houngua.

LÁRIGIÑE HARIHINI BIDÉU ARUFUDA WAMÉI ÍNSIÑENI LE MAGUMUCHADIBEI HADAN WADUHEÑU, ÓUNABA HUMÉI ÁLÜGÜDAHANI BURÍ LE:

• Ida liña lóunigirunu aban wügüri maríeiti le hínsiñehabuti lani weiriou?

• Ida liña tarufudun aban würi maríeitu inebesei lun tani weiriei?

• Ida liña háfaagun agübürigu lun harufudahan houn hasaanigu luagu Bungiu?