Óusera wamaña würiña derebuguhaña kei wóuserunu wáguchu ani óusera wamaña würiña nibureingiña kei wítunu

Ariñagatu Bíbülia lun wóuseruniña wíbirigu derebuguhaña kei wagübürigu ani ha nibureingiña kei wíbirigu (aliiha huméi 1 Timotéu 5:1, 2). Lidan hakesin wügüriña, súdinitimati lun hóuseruniña íbirigu würiña lau inebesei.

Maweiyasunbei aban íbiri wügüri adariha aban íbiri lúnrügü láhurerun luma tisaminan ni lun ladügün lun tasandiragun tungua wuriba (Hob 31:1). Ani máhurerunbei aban íbiri mamarieidungili luma tisaminan aban íbiri to mamarieidungiru míchugunbei giñe emenigini málati tun anhein masaminarungili lubéi lagumeserun aban daradu tuma.

Híchuguba wéiyaaña lidan afiñeni arigei tun aban íbiri to adügüboun aban álügüdahani houn lau inebesei o tariñagun aban katei le mégeiti lichugún arigei lun. Ani góunigitima hamutu dan le man tan weiriei lun lóunigirunün (Rud 2:8, 9).

LÁRIGIÑE HARIHINI BIDEU ARUFUDA WAMÉI ÍNSIÑENI LE MAGUMUCHADIBEI HOUN LÍLANA DAMURIGUAÜ: HA HILAABAÑA ÚMARI HAMA MÉTEÑUHAÑA, OUNABA HUMÉI ÁLÜGUDAHANI BURÍ LE:

• Ida liña líderagunu íbiri Myint ínsiñeni le larufudubei damuriguaü tun?

• Ida liña lídehan ínsiñeni le larufudubei damuriguaü lun buidu lan hayanuhan besinagu hawagu lubúeingu Heowá?

• Ka buiti hasagarubei tisaanigu íbiri Myint lídangiñe ínsiñeni le harufudubei íbirigu?

Ida liña harufuduni berese humá hawagu íbirigu würiña ha lídanbaña damuriguaü?