Yusu waméi iyaraani le wawagubei lun gunfuranda wamani le buídubei lumoun le wuribabei

Ítara kei láhigichuni gürigia lúgubu lun buidu lan lariyawagún, lunti giñe wasigirun áfaagua lun waganwoundagüdüni lichú aau le wawagubei luma lun gunfuranda wamani le buídubei lumoun le wuribabei (Ebü 5:14). Íbini ménrengun lan lun wáyeihani le hadügübei amu, lunti wáfagun lun wabuiduragüdüni iyaraani le wawagubei o ligaburi wasaminan lun wasubudiruni le buídubei lumoun le wuribabei. Ka uagu? Lugundun kada aban wádangiñe lararamuba ligibugiñe Bungiu luagu le ladügübei (Rom 14:12).

Moun lumuti wasaminarun buídubei lan le wanúadirubei ladügarügü barühadiwa lan saragu irumu lúmagiñe wabadiseirun. Lun buidu lan le wanúadirubei mégeitiwa wafiñerun sunsuinagubei luagu Heowá, tuagu Lererun luma tuagu lóundarun (Hos 1:7, 8; Ari 3:5, 6; Mt 24:45).

LÁRIGIÑE HARIHINI BIDÉU “KIPU HUMÁ ABAN LUBUIDUN SAMINAÜ”, ÓUNABA HUMÉI ÁLÜGÜDAHANI BURÍ LE:

• Ka meha lunbei tanuadahani Emma?

• Ka san uagu moun lunti lubéi wariñaguni le wasaminarubei dan le gürigia lan lungua lubéi lanúadiruni le lasaminarunbei ladügün?

• Ka adundehani híchugubei aban feru maríeitiña tun Emma?

• Halía san tadarira Emma ariñahani le temegeirubei?