Yusu humóun líburu Winwan humá lau ugundani lun híderaguniña amu ederebudagüdei hafiñen luagu Heowá luma luagu Hesusu

Mosu lederebugudun hafiñen aturiahatiña lun hagundaaragüdüni Heowá (Ebü 11:6). Íderagua tumutiwa líburu Winwan humá lau ugundani lun wachülürün tidoun hanigi aturiahatiña. Anihein burí bérusu le anuadirúati buidu tidan, ariñahani furanguti le adügati lun hasaminarun gürigia, álügüdahani buiti, lubuidun burí bidéu tuma iyawaü. Ánhaña wíderagua aturiahatiña áyeihei ligaburi Kristu luma lun lumadagu hamá Bungiu, wederebudagüdübei hafiñen, le lunbei lawandun lénrengunga le ítarabei kei watu (1 Ko 3:12-15).

Añahein gürigia hénrenguti houn hafiñerun gayara lan gamadagua hamá luma Bungiu ladüga siñá lan harihini. Ligía megei habéi lun wíderaguniña asubudirei Heowá luma afiñera luagu.

LÁRIGIÑE HARIHINI BIDÉU YUSU HUMÓUN LÍBURU “WINWAN HUMÁ LAU UGUNDANI” LUN HÍDERAGUNIÑA AMU EDEREBUDAGÜDEI HAFIÑEN LUAGU HEOWÁ, ÓUNABA HUMÉI ÁLÜGÜDAHANI BURÍ LE:

• Ida liña wasubudiruni luagu aranse tan íbiri buidu lubá tíchugun aturiahani?

• Ka álügüdahani le saminawati buidu tadügübei íbiri tun aturiahatu lun tínchahanu ariñagei le tasaminarubei luagu le taliihabei lidan Isaíasi 41:10, 13?

• Ida liña tasandiragun aturiahatu tungua lárigiñe tarihini bidéu luma taliihani bérusu tídangiñeti Bíbülia?

Añahein saragu gürigia úati gunfuranda hamani ka lan mini lubéi lebegi asalbaruni o marihin hamuti kei aban idewesei lúmagiñeti Bungiu houn (Gal 2:20). Ligía lunti lubéi wíderaguniña lun hafiñerun luagu lani Hesusu sákürifisiu.

LÁRIGIÑE HARIHINI BIDÉU YUSU HUMÓUN LÍBURU “WINWAN HUMÁ LAU UGUNDANI” LUN HÍDERAGUNIÑA AMU EDEREBUDAGÜDEI HAFIÑEN LUAGU HESUSU, ÓUNABA HUMÉI ÁLÜGÜDAHANI BURÍ LE:

• Ida liña wasubudiruni luagu aranse lan íbiri buidu lubá líchugun aturiahani?

• Ida liña líderaguni aturiahati lau ariñahani le lídanbei fánreinti “Furendei humá lanwoun”?

• Ka uagu súdini lubéi lun wafurieidun luagu aturiahati?