WABAGARI KEISI KRISTIÁNUGU | ÁFAAGUA HUMÁ LUN HÍDEHAN LIDAN ISERI IRUMU LÁNINA ESERIWIDUNI
Háguyun le ñeinhin lubéi mégeiwa lan ídemuei
Mégeiwati afiñeni lun hígiruni gürigia le uágubei héchuda lun háguyun le ñeinhin lubéi mégeiwa lan ídemuei lun apurichihani (Ebü 11:8-10). Anhein busén hubéi hadügüni, ayanuha humá hama wéiyaaña lidan afiñeni ha lídanbaña damuriguaü. Ka gayaraabei hadügüni lun hasubudiruni anhein gayaraabei lubéi háguyun luma lun hanúadiruni aban fulasu le ñeinba lubéi hidin? Akutiha huméi le tariñagubei wani agumeiraguagüdüni luagu katei le ani ayanuha huguyame hama ha águyaaña lidoun amu fulasu ani buiti lidin houn (Ari 15:22). Amuriaha humá luma Heowá lun líderagunün (Snt 1:5). Áluaha humá ariñahani luagu fulasu le ídanbei busén huma hidin, ani anhein gayara lubéi, bisida huméi fulasu ligía lubaragiñe hanúadirun háguyun ñeinhin.
LÁRIGIÑE HARIHINI BIDÉU BELÚ HUMÁ LAU AFIÑENI LUÉIGIÑE BENA LE LÁNINA LAGANWOUNDUN HESERIWIDUN. HÁGUYUN LE ÑEINHIN LUBÉI MÉGEIWA LAN ÍDEMUEI, ÓUNABA HUMÉI ÁLÜGÜDAHANI LE:
Ka burí lénrengunga úmabei lagagibudagun Gabrieli, ani ka íderagubalin?