Kokkinakis kóntüra Grecia: Droit réservé
Tidan iyawaü to lúmagiñe íñugiñe lun hubaünan, según léibugun lágusate wachi: Sétanu le Arihibei lau Arufudahani Virginia le luágubei oubaü le ñeinhin lubéi lálüda Weyu libiti Meriga kóntüra Barnette; Kokkinakis kóntüra Güresia; Lílana relihión ha Taganrógübaña hámaya amu kóntüra Rusia luma Cha hama amu kóntüra Koréa le Súrubei.
WABAGARI KEISI KRISTIÁNUGU
“Ageindagua ligibugiñe lúrudu luagu waricha lun lapurichihóun uganu buiti”
Dan le hálugunbei háganiñu lubúeingu Bungiu hararamuni tábunawagunya ténpulu, adüga hamuti nadagimeintiña le emegeirubei lun harufuduni garicha hamá lun hadügüni wadagimanu (Ésüd 5:11-16). Ítarameme, kristiánugu ha lánina dan le adüga hamuti le emegeirúbei lun hageindagun luagu haricha lun hapurichihan (Fili 1:7). Lun habihini katei le, aba hadügün aban departamentu lidan irumu 1936 Meriga, tidan Watchtower Áfisi to Arihiboun lau Apurichihani lidan sun Ubóu ani departamentu le, ligía arihibei lau kesi burí le ligibugiñe lúrudu. Uguñe weyu, departamentu le ligía ageindagubei luagu irichaü lánina apurichihani lidan sun ubóu. Ida liña hadügüni ani ka buiti wasagarubei lídangiñe sun wadagimanu le hadügübei?
LÁRIGIÑE HARIHINI BIDÉU FURENDEI HUMÁ LUAGU DEPARTAMENTU LE ARIHIBEI LAU KATEI LUÁGUTI LÚRUDU LIDAN SUN UBÓU, ÓUNABA HUMÉI ÁLÜGÜDAHANI BURÍ LE:
Ka lénrengunga úmabei hagagibudagua gefentiña luagu Heowá hama lúrudu?
Ka agañeiruni ibiha hamaalibei? Ru humá aban hénpulu.
Ka gayaraabei wadügüni lun wageindagun luagu waricha lun wapurichihani uganu buiti?
Ida luba wadarirun ñunsu lidan wani páhina lidan Interneti luagu kesi le ageindawagúbei hama lúrudu hawagu lumutuniña Bungiu tuma aban lísüta lau hiri gefentiña luagu Heowá ha adaürǘbaña ladüga hafiñen?