Ka habusenrubei hadügün lidan lagumeserun iseri irumu lánina eseriwiduni?

Le wagurabubei wibihin lidan weseriwidun lun Heowá, ligía katei le uágubei wáfaagua lúntima weseriwidun lun luma lun wagundaaragüdüni. Gebegiti wadireirun dan luma erei lun waganwoundagüdüni weseriwidun lun Heowá ladüga líderagubadiwa lira awansera lidan wamadagua luma (1 Ti 4:15). Ka uagu lunti lubéi wakutihani le wabusenrubei wadügün lidan weseriwidun lun Heowá kada átiri dan? Ladüga sansi lan gádantiwa. Gayaraati siñá lan wadügün ítaga katei lidan weseriwidun lun Heowá. O gayaraati ibiha wamaali lan le wabusenrubei lidan weseriwidun ani gayaraati wabusenrun wibihin amu katei.

Dan le lagumeserun iseri irumu lánina eseriwiduni, ligía aban dan buiti lun wakutihani le wabusenrubei wibihin lidan weseriwidun. Saminaadün san hayanuhan luagu le lidan háhuduragun kei iduheñu? Gayaraati hayanuhan luagu le labusenrubei kada aban hídangiñe libihin o le habusenrubei hibihin kei iduheñu.

Ka habusenrubei hibihin lidan eseriwiduni burí le ani ka hasaminarubei hadügün lun hibihini?