WABAGARI KEISI KRISTIÁNUGU
Arufuda wamá ínsiñeni le magumuchadibei kei larufuduni Heowá
Heowá íchugubalin hénpulu le buídutimabei lánina ínsiñeni le magumuchaditi (Sal 103:11). Ínsiñeni le, mama aban ínsiñeni le adurarubei murusun dan. Lubaragiñe lira, aban ínsiñeni le arufudubei úarani lun súnwandan. Arufuda lumuti meha Heowá ínsiñeni le magumuchadibei houn ísüraelina lidan ámuñegueinarügü igaburi. Sefu meha lumutiña luéi amudirawaguni Éhiptu ani aba meha lanügüniña lidoun Fulasu le Füramase lubéi houn (Sal 105:42-44). Ageindaguati meha haweigiñe lumutuniña ani feruduna lumutiña meha saragu wéiyaasu (Sal 107:19, 20). Dan le wakutihani ínsiñeni magumuchaditi le larufudubei Heowá, ínchaha lumutiwa lun wáyeihani (Sal 107:43).
LÁRIGIÑE HARIHINI BIDÉU AKUTIHA WAMÉI IDA LIÑA LAN LARUFUDUNI HEOWÁ ÍNSIÑENI LE MAGUMUCHADIBEI, ÓUNABA HUMÉI ÁLÜGÜDAHANI BURÍ LE:
Ida luba warufuduni ínsiñeni le magumuchadibei?
Ka uagu anihein lubéi dan megei wamá wadügün sákürifisiu lun warufuduni ínsiñeni le magumuchadibei?