WABAGARI KEISI KRISTIÁNUGU
Agübürigu, arufudaha humá houn hasaanigu lun hagundaaragüdüni Heowá
Wéiriti hebegi nibureintiña lun Heowá. Ruti fe luagu hawanserun lidan hamadagua luma, ani subudi lumuti giñe anhein hawanduña lubéi lénrengunga (1 Sa 2:26; Lk 2:52). Íbini irahüñü gayaraati giñe hagundaaragüdüni Heowá lau lubuidun hóuserun (Ari 27:11). Lau tídehan lóundarun, ruti Heowá tulu burí tótima hemegeiruboun lun híderaguniña hasaanigu lun línsiñedun houn luma lun gaganbadi hamá lun.
LÁRIGIÑE HARIHINI BIDÉU IRAHÜÑÜ HA MÍGIRUNTIÑA LUN LÁBÜRÜHAN HARÜNA, GÚNDAAGÜDA HAMUTU LANIGI HEOWÁ, ÓUNABA HUMÉI ÁLÜGÜDAHANI BURÍ LE:
Ida liña líchugun Heowá ídemuei luma adundehani houn nibureintiña lidan irumu burí le sügühalibei?
Ka burí agumeiraguagüdüni anuheinharu lun gayara lan hayusurunu agübürigu lun híderaguniña hasaanigu?
Nibureinti, lídangiñe sun ídemuei le líchugubei Heowá, ka burí agumeiraguagüdüni ahuuduboun bun, ani ka uagu?