Sügǘ

Buiti le ibihúbei dan le larufudún gudemehabu houn sun hawuyeri gürigia

Aban weyu, aba tarihin aban íbiri, to awinwanduboun Néwaselanda aban bidéu le gíribei Preocupémonos unos por otros, le ayanuhabei luagu mámarügü lan sandirügüti Heowá gudemehabu, arufuda lumuti giñe (Isa. 63:​7-9). Ábati tadügün aransehani lun táluahan aban gürigia lun tíderaguni. Weyuméme ligía aba táfuridun agañeiha, aba tarihin aban würi to awinwanduboun ǘmadarugu ani aba tálügüdünu anhein gayara lubéi tagañeiha éigini tun. Ánhatu würi tuguya. Dan le tagiribudun íbiri to lau éigini, aba tárügüdüni chansi lun tapurichihan tun würi to lau tayusurunu tratadu Lachülürüba san dan lun masufurirun wamá?

Aba tayahun würi tuguya. Aba tariñagun tun íbiri to lidan lan meha inarüni tagüriarúa, gama lumoun, barüharu lan meha saragu irumu dise luéi damuriguaü. Ani tamuriahaña meha luma Heowá lun líderagunu lun tagiribudun lun. Aba tíchugun íbiri aban Bíbülia tun ani aba herederun lau tíchuguba lan aturiahani tun.a

Ítara kei Heowá, gayaraati warufudun gudemehabu houn gürigia, waduheñu hama wábirigu haganagua. Ábanya igaburi lun warufuduni igaburi le, lau wáluahan chansi lun wapurichiha.