Aranse humá luba haturiahan

Dan le waturiahanu Bíbülia, busentiwa lun lachülürün le wafurendeirubei luagu Heowá tidoun wanigi luma lidoun wasaminan, ani busentiwa giñe lun gani lan luagu le wasandirubei luma le wayumahabei. Buídubei lun wáyeihani Ésüdürasi le uágubei tariñaga Bíbülia deregegua lan “lungua le gumuti lun laturiahani […] lilurudun Bungiu” (Ésüd. 7:10). Ka lunbei wadügüni lun wáyeihani lani Ésüdürasi hénpulu?

Furíei wamá. Lubaragiñe wagumeserun aturiaha, amuriaha wama ídemuei luma Heowá lun gunfuranda wamani le waturiahabei luma lun wawinwanduni (Sal. 119:​18, 34).

Ǘnabugu wamá. Aramuda lumuti Bungiu inarüni hawéi ha íñugubei hanaagun houngua, ani saminatiña memegeirun hamani lídehan lun gunfuranda hamanu Bíbülia (Luk. 10:21). Moun lumuti waturiahan lúnrügü wapantahan houn amu luagu gibe lan wasubudin. Ani ánhawa íchiga fe lidan waturiahan anihein lan somu asansiruni le lunbei wadügüni, ǘnabugu wamá ani adüga waméi asansiruni le mégeiwabei.

Aganbaha waméi uremu le wámabei. Gayaraati ladügün waganbahan uremu lubaragiñe wagumeserun aturiaha lun waranserunu wanigi. Ligíati, anhein wadüga ítara, líderagubadiwa katei le lúntima wasaminarun luagu Heowá luma lun lerederun le wafurendeirubei wachügüwagu luma tidan wanigi.