Ka uagu hapurichiha gefentiña luagu Heowá tidan burí muna?

Ariñagati meha Hesusu houn lánigu: “Heiba lubeiti habügürü gürigia ha lílana sun fulasu, adüga humaña nánime disipulugu” (Matéu 28:19, 20). Dan le lóunahanbaliña apurichiha, ariñagati houn lun houdin hábiñe gürigia (Matéu 10:7, 11-13). Lárigiñe lounwen Hesusu, sigitiña kristiánugu ha meha awinwandubaña lidan furumiñeti sígulu apurichihei uganu dandu “tidan burí muna” kei “lidan guririguaü” (Adügaü 5:42; 20:20). Uguñe weyu, áyeiha wamutiña furumiñetiña kristiánugu ani ariha wamaali gíbetima hamá gürigia wadarirun dan le wapurichihan muna tuagun muna.