Ka uagu gefentiña lubéi luagu Heowá wíribei?

Arufuda tumuti Bíbülia Heowá lan líribei Bungiu (Áfuriduni 6:3; Sálumu 83:18 Traducción del Nuevo Mundo). Aban gefenti gürigia le arihibei aban katei lungua o le asubudiragüdübalin inarüni le uágubei líchiga fe houn amu.

Ligía gefentiña lubéi luagu Heowá wíribei, ladüga kristiánugu wamá ha asubudiragüdübalin inarüni luagu Heowá, Bungiu le adügübalin sun katei, houn amu (Arufudúni 4:11). Óuseratiwa giñe kei gefentiña lau wasubudiragüdüni le wafurendeirubei tídangiñe Bíbülia houn amu, arufuda waméi houn lau ligaburi wawinwandun falá wamani tarufudahan Bíbülia (Isaíasi 43:10-12; 1 Féduru 2:12).