Gayaraati san tíderaguniwa Bíbülia agagibudagua luma wasandi?

Óunabagülei le tíchugubei Bíbülia

Anha. Saminati Bungiu hawagun lubúeingu ha sándibaña. Ariñagatu Bíbülia hawagu lubúeingu Bungiu ha úaraguabaña: “Danme le gabanarugu hamá lau sandi; lasansirubei Bungiu hasandi lun átuadime” (Sálumu 41:3). Anhein hawinwanduña lubéi lau sandi le máraninati, gayaraabei líderagunün ǘrüwa adundehani le:

1. Amuriaha humá erei luma Bungiu lun hawandun. Líderagubadün lidarangilan Bungiu “le wéiritimabei luéi sun subudi” lun madiheridun humá saragu luma lun hibihini erei le hemegeirubei lun hasigirun hubaruaguóun (Filipuna 4:​6, 7).

2. Arufuda humá aban lubuidun igaburi. Ariñagatu Bíbülia: “Árani buiti anigi gúndaatu, ánheinti íruni gidati lídangiñe erei” (Ariñawagúni 17:22). Dan le hiru wamá, íderagua lumutiwa warihini katei lau aban igaburi buiti.

3. Ru humá iderebugu lun hemenigin. Líderagubadün emenigini lun gúndaañu humá íbini hawinwanduña lan lau aban sandi le máraninati (Rómana 12:12). Füramasetu Lererun Bungiu lachülürüba lan dan lun mariñagun lan “ni aban lílana fulasu: ‘Sándiñadina’” (Isaíasi 33:24). Lareidaguagüdübei Bungiu sun sandi le unbei madari hamá lánigu siensia árani. Kei hénpulu, afuranguagüda tumuti Bíbülia lagidarubei lan Bungiu aweiyaduni hawéi gürigia: “Ábameti lareidagun hágubu, ábame ítara hamá kei dan meha nibureingiña” (Hobu 33:25).

Abürüdǘni: Afiñetiwa, wagía gefentiña luagu Heowá, luagu líderagubadiwa lan Bungiu lidan furumiñeguarügü katei le gádanbaliwa, lau sun lira, áluahatiwa surusia dan le ladagarun somu sandi wawagu (Márükosu 2:17). Lau sun lira, mínchahan wamutiña ni aban lun hanügün ítaga árani; afiñetiwa lunti lan lanúadiruni kada gürigia agaranihani le buídubei lun.