• Ida liña lagumeserun ibagari?
    Winwan humá lau ugundani lun súnwandan! Lau haturiahanu Lererun Bungiu

    • 3. Ka adügübei lun amu hamá gürigia hawéi animaalugu?

      Lárigiñe ladügüni Heowá Ubóu, aba ladügüni nadü hama animaalugu. Lárigiñe, aba ladügüni “Bungiu wügüri, lenege guánarügü ladügei” (aliiha huméi Agumesehani 1:​27). Ka adügübei lun amu wamá hawéi animaalugu? Kei lenege guánarügü lubéi Bungiu ladügawa, gayaraati wáyeihani ligaburi, kéiburi ínsiñeni luma irichaü. Adüga lumutiwa giñe lau iyaraani lun wafurendeirun amu burí iñeñein, lun hínsiñe lan uremu woun luma waríagun katei buíduburiti. Mítarantiwa giñe kei animaalugu, lugundun gayaraati wáhuduragun lun Bungiu le adügübaliwa.

  • Ida liña lagumeserun ibagari?
    Winwan humá lau ugundani lun súnwandan! Lau haturiahanu Lererun Bungiu

    • 5. Gayaraati lafiñerúniwa abahüdaguni le tídanbei Bíbülia luáguti ladügǘniwa sun katei

      Lidan Agumesehani kapítulu 1, ariñaga tumuti Bíbülia ida liña lan ladügǘn Ubóu luma sun luwuyeri ibagari le lídanbei. Inarüni san abahüdaguni ligía, o úraga? Ariha huméi BIDÉU, ábameti hayanuhan luagu álügüdahani burí le:

      BIDÉU: Adügǘwarügüti san sun katei? (murusun lídangiñe) (3:​51)

      Fiu iyawaü lídangiñetu bidéu Adügǘwarügüti san sun katei?. 1. Sisi weyu le lánina ladügǘniwa sun katei según ligaburi larihíniwa lúmagiñe lídangiñe Ubóu. 2. Ubóu lidan lisedün weyu lánina ladügǘniwa sun katei, arihúaali Weyu, mábeihali Ubóu, anihein duna, nadü, sun hawuyeri dunuru, animaalugu múaruguna hama gürigia.

      • Arufudahatu san Bíbülia lidan lan 6 weyu le lánina 24 oura ladügǘwa Ubóu luma sun ibagari le lídanbei?

      • Afiñetün san gayara lan lafiñerúniwa le tariñagubei Bíbülia luagu ladügǘniwa sun katei? Ka uagu?

      Aliiha huméi Agumesehani 1:1, ábameti hayanuhan luagu álügüdahani le:

      • Hiibe-agei aturiahatiña siensia ariñagatiña gagumeseha lan sun katei. Úarati san le hariñagubei luma le sun líñabei haliihani tídangiñe Bíbülia?

      Añahein gürigia álügüdagutiña houngua anhein adügarügü lubéi Bungiu aban katei gabagariti ani lárigiñe aba lígirun lun asaliragueina lan lidan ámuñegueinarügü luwuyeri ibagari. Aliiha huméi Agumesehani 1:​21, 25, 27, ábameti hayanuhan luagu álügüdahani burí le:

      • Arufudahatu san Bíbülia adügarügü lan Bungiu aban katei gabagariti ani aba lígiruni lun asaliragueina lan úduraüme, animaalugu luma kei gürigia? O ligía guánarügü adügübalin kada aban lídangiñe “luwuyeri” ibagari le?