Tani Watchtower LÍBURU-AGEI LIDAN INTERNET

Gebegiti san ibagari woun kei lun Bungiu?

“Redei humá lidan línsiñehabu Bungiu”
- 5, 6. Ida liña meha larufuduni Lilurudun Moisesi sagüráu lan hitaü, ani wéiri lan lebegi? (Ariha huméi kuaduru “Inebelá habagari animaalugu woun”.)
  
  ⁵ Rédeiti giñe bián inarüni méiniti le bürüwañu lidan Lilurudun Moisesi. Lidan Fádirigu 17:10, 11, ariñagati Heowá: “Mámabadina lúmagiñe furumiñeguarügü Ísüraelina o terencha le aganóuti haganagua anhein eiga hitaü lidan furumiñeguarügü igaburi. Nagidarubei hádangiñe lumutuniña Bungiu. Lugundun, sun le gabagaribei, lau hitaü le lídanbei labagarida, ani ru naali hitaü ligía hun luagu latarü lun gayaraabei lan hafayeihan luagu hibagari lau, ladüga hitaü lafayeihabei ibagari” (ariha huméi kuaduru “Hitaü lafayeihabei figóu”).a
  
  HITAÜ LAFAYEIHABEI FIGÓU
  
  Según tarufuduni Lererun Bungiu, ítara liña hitaü kei ibagari, ligíati, dan meha le ladüraaguni aban ísüraelina aban lídangiñe lilurudun Bungiu, gayarati meha ladagaragüdün aban animaalu keisi sákürifisiu ligibuagu lani Bungiu latarü (Fádirigu 4:27-31). Anhein asakürihaali lubéi, ferudunawati lifigoun luagu murusun dan.
  
  Tidan Bíbülia yusuwati dimurei “ferudun”, ani lidan iñeñein le ídanbei tabürüdǘwa Bíbülia furumiñe, úarati dimurei le luma “lebegi esefuruni” ani mini lan, “leweñegua” o aban “idaü” buiti, kéiburi lidaü aban sóudieru le fiditi luagu buidu. Furanguti ua lan ni aban animaalu lunti ladouragun o lafayeiruni lebegi hafigoun gürigia sunsuinagubei. Sákürifisiu burí le, liyawadinarügüñein meha le lunbei lasuseredun ámuñegü, ferudunawa lan figóu sunsuinagubei (Ebüréu 10:1, 4).
  
  Ibihúati ferudun ligía lau “lounwen Hesukrístu aban wéiyaasu lun sun dan” (Ebüréu 10:10). Yusuwati meha “lita Kristu [...] le adagarawagüdübei kei aban mudún le úati mégeiti luagu” kei sínbolu lani libagari sin figóu, libe le meha leferidirubei Adán (1 Féduru 1:19). Ítarati, lau larufudun aban lanarime ínsiñeni luma lichú aau, óuserati Heowá lau irichaü ani adügati ítara lun wibihin “asalbaruni magumuchaditi” (Ebüréu 9:11, 12; Huan 3:16; Arufudúni 7:14).

Gebegiti san ibagari woun kei lun Bungiu?

“Redei humá lidan línsiñehabu Bungiu”
- a Ariñagati Bungiu: “Sun le gabagaribei, lau hitaü le lídanbei labagarida”. Luagu dimurei le, ariñagatu garüdia to gíriboun Investigación y Ciencia: “Íbini arihúa lan hitaü kei sínbolu lánina ibagari, inarüniti dimurei le: sun katei le lídanbei hitaü mégeiwati lun ibagari”.