• Afiñe wamá luagu Heowá, ábame wawinwandun lun súnwandan!
    Garüdia Awisahatu (to lánina aturiahani) 2018 | unsu-hati

    • 7. Ida liña lóunabun Heowá lun lidiheri Abakúku?

      7 (Aliiha huméi Abakúku 1:5, TNM,a 6, 7). Lárigiñe lígiruni Abakúku lidiheri lúhaburugu Heowá, másiñati aba lan lálügüdagun lungua ida luba lan lóunabuni Heowá. Kei ítara liña lan Heowá kei aban úguchili le gunfuranda lumutiña lirahüñü ani rúguati lungua lidan halugaarun, madeinhanti lun profeta le ladüga lekeharun. Subudi lumuti meha Bungiu siñaguaali lan meha Abakúku lungua lau ligarigu. Ariñaga lumuti Heowá lun Abakúku le meha lunbei lasuseredun yarafa madise ani le linarün katei, houn meha ísüraelina ha múaragunbaña layanuha. Másiñati Abakúku lan meha furumiñeti gürigia le unbei lariñaga Heowá lagumucha lan meha lau wuribani le lídanbei dan ligía.

      8. Ka uagu ua lubéi gunfuranda lani Abakúku óunabagülei le líchugubei Heowá lun?

      8 Arufuda lumuti Heowá lun Abakúku aranseeli lan meha lun ladügün somu katei. Yarafaali meha dan lun habeichún gürigia wuribatiña ani furundetiña hagía. Arufudati Heowá lau dimurei “lidan hidaani”, lasiadirubaña lan meha wuribatiña lidan lidaani profeta Abakúku hama ha awinwandubaña lidaaniwagu. Anihán meha san óunabagülei le lagurabahabei Abakúku? Uá. Arufudati le lariñagubei Heowá lun laganwounduba lan meha hasufurirun lílana Hudá.b Wuribatimatiña meha babilóniana ani fásitimatiña meha sügǘ hawéi lílana lageira Abakúku, ha meha asubudirubalin lugumadin Heowá. Kaba meha uagu layusura Heowá gürigia ha máhuduragunbaña lun wuriba hagía lun labeichuniña lumutuniña? Lun hamuga wagía lan meha aganbei óunabagülei le, ida luba hamuga wóunabun?