Uremu 48
Éibuga wamá luma Heowá sagü weyu
(Mikeasi 6:8)
1. Lunti woudin sagü weyu
louba louba Wáguchi Heowá.
Sun le éibuguti luma
wéiriti labinirúniwa.
Rútiwa uéiriguni
lun Heowá Wabungiute,
gúnfuli wamuti giñe
sun lererun le sándubei.
2. Lau lufuresen liabin
lagumuchagüle sun ubóu.
Le labusenrubei Mafia
wíchugun uéiriguni lun.
Gama lumoun, ruti Bungiu
aramudaguagülei
luéi lubafu Satanási,
le salufuritimabei.
3. Ruti Bungiu ídemuei woun
lúntima wayarafadun lun;
lau lubafu, tau Lererun,
luma giñe lau damuriguaü.
Éibuga wamá lubeiti
luma Wáguchi Heowá.
Áyeiha waméi liricha.
Insiñenilá wíchiga!
(Arihualá giñe Agu. 5:24; 6:9; 1 Uru. 2:3, 4.)