Madireirabei bagu luéi afayeiruahaü!

1. Larihiba marihinti,

laganbuba maganbunti;

gayarabei hachubahan

ha meha méibugunbaña.

Lewendeduba sun Ubóu

lau rosa luma liriu.

Madireirabei bagu luéi

sun katei le anitebei.

2. Waganbubei hayanuhan

sun ha mayanuhanbaña;

warihibeime hásaarun

hilaguaaña ubouagu,

hagundaaruba irahüñü,

buin haba lau darangilaü.

Madireirabei bagu luéi

sun katei le anitebei.

3. Irahüba ariha hau

mudún, hau géigusi, liñún,

sagadibati heiga sun

animaalu kei bágasu.

Gumuhame ayahuni;

buin waba lau ugundani.

Madireirabei bagu luéi

sun katei le anitebei.