Ederegeraguni unguaü lun Heowá

1. Heowá, adüga bumuti

sun le aniheinbei:

barana, sielu luma ubóu

lau sun le lídanbei.

Buguya adügübaliwa

lau búhabu, Heowá,

gadünatibu lubeiti lun

lalawahóun bun sun dan.

2. Furíeiti meha Kristu

labadiseirunbei:

“Nadügübei bubalinti,

Heowá Nubungiute”.

Anuadirúati Kristu

lun meha urúei lan

dan meha labadiseirunbei

ñein dúnarugu Hordán.

3. Deregeguatina nungua

sunsuinagubei bun.

Heowá, nagundaaruba lau

neseriwidun bun.

Lau lita Kristu Hesusu

bagidarei figóu.

Buguya Nabureme, Heowá,

hilañu o wínwanñu.