Adüga wamá lun busén hamá gürigia haganbuni uganu buiti
1. Ka wafurendeirubei lídangiñe ámuñegueinarügü manera le ídanbei hapurichihei furumiñetiña kristiánugu uganu buiti?
1 Subudigüda hamuti furumiñetiña kristiánugu uganu buiti houn gürigia ha ámuñegueinarügüti héchun luma hafiñen (Kol. 1:23). Íbini luagu lan Larúeihan Bungiu hayanuha súnwandan, ámuñegueinarügüti ligaburi harufuduni uganu según ka lan uma hayanuha. Kéiburi dan le layanuhanbei Féduru houn fiú huríu ha arufudatiña inebesei tuagu Lererun Bungiu, aba lagumeserun ayanuha luagu le lariñagubei profeta Hoeli lidan aban profesía (Adü. 2:14-17). Ani lidan Adügaü 17:22-31 ariha wamuti amu lan ligaburi layanuhan Pábulu hama fiú güriegu. Uguñe weyu, anihein fulasu le ñein lubéi wadarira gürigia ha inebehabutiña tun Bíbülia, ani gayarati wayanuhan tuagu furangu dan le wapurichihan muna tuagu muna. Gama lumoun, háfuga mosu lan wadügüni lau duari dan le wayanuhan hama gürigia ha mámabaña kristiánugu o mabuseruntiña hasubudirun ni kata tuagu Bíbülia ni luagu relihión.
2. Ida luba wayusurunu agumeiraguagüdüni to auboun wapurichiha lidan hati lun wíderaguniña gürigia dandu ha afiñebaña tuagu Bíbülia kei ha mafiñenbaña?
2 Yusu wamóun agumeiraguagüdüni buidu. Lidan irumu lánina eseriwiduni le, kada bián hati ligíaba tasansirúniwa agumeiraguagüdüni to lunboun wayusurunu lidan apurichihani, ani ñeinboun ámuñegueinarügü garüdia tuma tratadu taganagua. Íbini ánhawa adarira gürigia ha mabusenruntiña layanuhóun houn tuagu Bíbülia, gayarati wayanuhan houn luagu furumiñeguarügü tema le hínsiñeti houn. Háfuga míridun wabóun lan Bíbülia houn ani maliihan wagíame ni aban bérusu houn tídangiñe, gama lumoun ánhaña busén hasigirun ayanuha, lunti wagiribudun bisidaña lun wíderaguniña afiñera luagu Bungiu luma tuagu Lererun. Ánhawa ayanuha hama gürigia ha inebetu Bíbülia houn, gayarati wayusurunu lidan wayanun ani ígira wagíame agumeiraguagüdüni houn to ayanuhatu luagu somu tema tídangiñeti Bíbülia. Gayarabei wígirunu líburu Kátima san tuma burí garüdia Aganba huméi Bungiu o Aganba huméi Bungiu ábame hawinwandun lun súnwandan íbini mama lan tau wapurichiha lidan hati ligía. Le súdinitimabei, wadügün lun línsiñedun uganu buiti houn gürigia.
3. Ka idan genegegua tan anigi luma múa le lánina ábunaguni?
3 Aranseha waméi múa. Ítara tiña hanigi gürigia kei múa lánina ábunaguni (Luk. 8:15). Añahein mégeitiña taransehóun hanigi buidu lun gayara lan láhüchün inarüni tidan buidu. Buiti meha resultóu le hibihibei apurichihatiña ha lánina furumiñeti sígulu lidan hábunaguni inarüni tidan hanigi sun hawuyeri gürigia, ani barüti le saragu ugundani houn (Adü. 13:48, 52). Gayarati giñe wibihini ligiaméme resultóu ánhawa etenira lun ligaburi wapurichihani uganu buiti.