Buídubei funa san lun lichugún aban fulasu hun lun ñein lan hapurichiha?

1. Ka gayabei lichugún hun?

¹ Anhein gibe lubéi fulasu le lunbei lapurichihani damuriguaü le ñein hubéi, gayarabei lichugún aban lídangiñe hun, háfuga aban le yarafati tun huban, lun ñein lan hapurichiha. Afuranguagüdatu líburu Organizados lidan páhina 103 gayarabei lan líderagunün lichugún aban fulasu hun lun ñein lan hapurichiha lun “buídutima lan hayusuruni dan le hanúadirubei lun hagunfulirun lau hani ministeriu”. Ani ariñagatu giñe: “Háfuga gayarabei hamisurahan amu íbiri apurichiha huma”.

2. Ida luba gayara lan hayusuruni fulasu le ichugúbei hun dan le mama lan hapurichihaña úara hama lílana damuriguaü?

² Yusu huméi dan le mama lan hapurichihaña úara hama lílana damuriguaü. Anhein ichugúa aban fulasu hun yarafa lun huadigimari, gayarabei hapurichihan ñein lidan lóurate éigini o lárigiñe háfuridun lídangiñe wadagimanu. Gayarabei giñe hagunbirahan amu íbiri le nadagimeinti yarafa lun lapurichihan huma ñein. Anhein ichugúa aban fulasu hun yarafa tun huban, gayarabei hapurichihan ñein úara hama hiduheñu rábounweyu. Agurabúati dan le lan midin humá lidan adamuridaguni lubá apurichihani mosu lan hafurieidun lun Heowá lun hamuriahani ladundehan lubaragiñe hagumeserun apurichiha (Fili. 4:6). Lau sun lira, súdiniti lun mámarügübei lan lidan fulasu le ichugúbei hun hapurichiha, lunti giñe háfuridun apurichiha úara hama lílana damuriguaü, samuditima luma dimaasu, dan le gíbetima hamá íbirigu áfuridutiña apurichiha.

3. Ka uagu buidu lubéi lichugúniwa aban fulasu lun aban íbiri lun ñein lan lapurichiha?

³ Ka uagu buidu lubéi? Anhein ichugúa aban fulasu hun, súnwandan ñeinbei lan halíaba lan hapurichiha ani gayarabei hadügüni lidan oura le buídutimabei hun. Gíbetimabei dan hayusurun apurichiha lugundun míbebei dan heferidirun aweiyasuha. Lídehaba katei le lun ménrenguntima lan lagunfulirúniwa lau dan le lunbei lagunfulirúniwa lidan leseriwidúniwa kei prekursorugu ídehatiña o ha adügübaña ǘrüwa-wein-diisi oura sagü hati. Ánheinti lidanméme lubéi fulasu le ñein lubéi haganawa hawinwanda gürigia ha arufudubaña busén hamá hasigirun afurendeira, ménrenguntimabei hun hagiribudun abisidahaña luma lun híchugun aturiahani tídangiñeti Bíbülia houn. Ñeinbei dan gayarabei lan hapurichihan lidan sun fulasu le ichugúbei hun lóugiñe aban wéiyaasu lubaragiñe hederegeruni gayara láamuga hamuriahani amu íbirigu. Añaheinhaña ariñagutiña adüga lan katei le lun hasubudiragun houngua buidu hama gürigia ha awinwandubaña lidan fulasu le ichugúbei houn luma lun hadügün umadaguaü hama. Buídubei funa san lichugún aban fulasu hun lun ñein lan hapurichiha huguya hama hiduheñu lun buídutima lan hagunfulirun lau hani ministeriu? (2 Tim. 4:5.)