Wayusurubei san dan buidu lidan burí weyu le ídanbei midin hamá gürigia külase o nadagimein?

Ménrengutimati hadarirún gürigia hábiñe lidan burí luéyuri lufedun ageiraü o lánina relihióun. Ligíati, libe-agei dan buíduburiti weyu le lun háfuridun íbirigu apurichiha. Amisuraha wamutiña lílana sun damuriguaü adüga aransehani espechaliti lun hapurichihan lidan burí weyu ligía. Anhein tarü lubéi hásaarun saragu gürigia lidan burí weyu le, buídubei lasansirún lóurate ladügǘn adamuridaguni lubá apurichihani. Gayarati ladügǘn aban awisahani lidan Adamuridaguni lánina Eseriwiduni lun lasubudiragüdüniwa furumiñeguarügü asansiruni houn lílana damuriguaü amisurahóua hagíame súngubei lun háfuridun apurichiha. Inarüni achansiha wamá giñe lidan burí weyu le lun wemeraagun o lun wadügün furumiñeguarügü katei le lunti wadügüni, gama lumoun, buídubei giñe wadireirun fiú oura lun wáfuridun apurichiha. Anhein wadüga ítara, wasandirubei ugundani le líchugubei weseriwidun lun Heowá (Mat. 11:29, 30).