Ugundani le lanügübei alubahani

1. Wagunfuliruña lau dasi

le líchugubei Bungiu woun;

wapurichihan houn gürigia

ha lídanbaña sun ubóu.

Apurichihati Hesusu

lau sun lere ya ubouagu

lun líchugun óunwenbu hénpulu

le lánina ubebeni woun.

2. Resibihadiwa aban chansi

lun wídehan luma Heowá:

wayanuhan luagu lareini

houn sun ha aganbutiña.

Yarafaali luéyuri Bungiu,

barüti le ugundani woun.

Wawandun darime lagumuhóun

lanügüba ibagari woun.