Afanreinha humá “katei buiti” lau heresibiruniña amu buidu (Mat. 12:35a)

Chóuruti busén lan kada aban wádangiñe líchugun lídangiñe “katei buiti” le lúmabei houn amu lau leresibiruniña “lau ugundani” (Rom. 12:13). Wéiyaaña lidan afiñeni anügübalin ubaraü lidan ladügǘn aransehani lun heresibirúniwa íbirigu ha achülürütiña íchiga yanu buidu luma lun lagiribudagüdüniwa le hagastarubei houn. Gayaraati machourun lan wasandiragun woungua lun wamisurahan íbirigu wábiñoun ladüga gudeme wamá o háfuga barǘ lan weresibirun amu wábiñe idiheri woun. Falá waméi adundehani le líchugubei Hesusu tun Marta, ragügua wamaamuga woungua luéi saminaü le (Luk. 10:39-42). Afuranguagüdati mama lan lábouagun éigini hanarimeguti o tewendedagüdüniwa muna lubuidun-ágeibei katei lidan heresibirúniwa gürigia lau ugundani, súdinitimati wásügürün dan hama luma wíchugun dǘgüdaguaü wóuniwagua. Anhein wafalara adundehani le, wíchuguba lídangiñe “katei buiti” le wámabei houn wíbirigu, kei tariñaguni Lererun Bungiu (3 Huan 5-8).