“Ha adügütiña hawadigimari buidu, heseriwiduba houn urúeigu, mama houn furumiñeguarügü gürigia.”

(Ariñawagúni 22:29)

“Le meha híwerubei, hebé líweruhan, luadigimarida lau arumani lun lagüriagun lungua, lun giñe gayara lan líderaguniña ha gudemebaña.”

(Éfesuna 4:28)

“Ánhawa eiga, gurá wagía, aríagua wameime buiti le líchugubei wawadigimari, rúrügü liñalin Bungiu woun.”

(Apurichihati 3:13)

“Ha ederegeragutiña houngua lun lagübüri ugundani, kei burí diwéin luma ibiñein, lídanba gudemei hagumucha.”

(Ariñawagúni 21:17)

“Ha adúeihabaña [habúeinguñanu] ha afuredeihabaña.”

(Ariñawagúni 22:7)

“Anhein aritagua aban hídangiñe ladügün aban wáyelesi, mañuurunbei funagia furumiñe asaminara átiribei lan lagastarun lun larihini anhein gabafubei lubéi lun lagumuchuni? Ladüga anhein líchiga ebu, lárigiñeme lásiñarei wadagimanu agumucha, héherahaba ha arihubalin lau; hariñagame: ‘Gumeseti wügüri le aban wadagimanu, siñá lumuti agumucha’.”

(Lúkasi 14:28-30)

“Dan le kimuleña, aba lariñagun Hesusu houn lani disipulugu: -Abudaha huméi sun le ígiragubei, meferidirun láamuga ni kata.”

(Huan 6:12)

“Buítimati lun teigin fagudiya lau ínsiñehabuni, sügǘ lau leigín wiñaadu lau iyereehabúni.”

(Ariñawagúni 15:17)

“Au [Heowá] le Bubungiute; arufudaha numuti le buídubei bun, adundeha numutibu luéigiñe üma le lunbei bafalaruni.”

(Isaíasi 48:17)

“Fuleseiwatiña ha asubudirubalin luagu megei hamani lídehan Bungiu, ladüga ménrengubei houn lun hebelurun lidoun larúeihan Bungiu.”

(Matéu 5:3)

“Hínsiñe hamá bíbirigu bun kei bínsiñegua bungua.”

(Matéu 22:39)

“Le katei le babusenrubei ladügǘn bun, ligialá badüga houn amu.”

(Lúkasi 6:31)

“[Gúndaatimatiña] ha aganbubalin ani adüga haméi le lubeibei Bungiu!”

(Lúkasi 11:28)

“Mama luéigiñe liibe lúmati gürigia labagarida.”

(Lúkasi 12:15)

“Anhein geigin wabéi, gadaüragun, lunti gufuruma wamá lau lira.”

(1 Timotéu 6:8)

“Gúndaatimáati le íchugubei sügǘ láu le erésibirubei.”

(Hechos 20:35, Lererun Bungiu to lánina Iseri Daradu)

“Ígirabei bidiheri lun Aburemei, ábame líderagunibu; mígirunbei lun héiguadun gürigia ha gaganbadibaña lun.”

(Sálumu 55:22)

“Aransehani le saminawati buidu, buiti lasalirun, anhein le adügǘbei lau furesei, barüti günringuaü.”

(Ariñawagúni 21:5)

“Manufudedabá, ladüga anahein buma; manufudedabá au Bubungiutebei. Rútina erei bun, íderagua numutibu, ágüdaha numutibu lau núhabu le gagañeiradibei.”

(Isaíasi 41:10)

“Kagia hídangiñe gayaraabei líchugun bián ugudi lanwoun lúgubu, ka lan yebe lanarimebei láfaagun [o ladiheridun] luagu?”

(Matéu 6:27)

“Madiherida humá lubeiti luagu haruga, ladüga barǘ lumuti giñe haruga lidiheridüna lúmagua.”

(Matéu 6:34)

“Lun [...] hanúadahani katei le buídubei [o le súdinitimabei] súnwandan.”

(Filipuna 1:10)

“Madiherida humá luagu ni kata, ariñagarügü huméi sun katei lun Bungiu súnwandan dan le hafurieidun; amuriaha humá luma, mabulieidagunga lun híchugun eteingiruni lun. Ábameti líchuguni Bungiu lidarangilan hun, le wéiritimabei luéi sun subudi; lun lóunigirunu hanigi luma sun hisaminan, ladüga lídanñadün aban luma Kristu Hesusu.”

(Filipuna 4:6, 7)

WÜGÜRIÑA MARÍEITIÑA/AGÜBÜRIGU

“Lunti [...] tínsiñedun lúmari wügüri lun kei línsiñe lúgubu guánarügü lun. Le hínsiñehabuti tun lúmari hínsiñeguati lungua. Úati gürigia meberesenti lau lúgubu guánarügü; hóugüdarügü lumuti, góunigilei. Kada [...] aban hídangiñe lunti [...] hínsiñe tan lúmari lun kei línsiñegua lungua.”

(Éfesuna 5:28, 29, 33)

“Agübürigu, magañidagüda humaña hisaanigu, agüriaharügü humaña buidu lun gaganbadi hamá, arufudaheina houn kei labusenruni Wabureme.”

(Éfesuna 6:4)

WÜRIÑA MARÍEITIÑA

“[Lunti] inebe lan túmari würi tun.”

(Éfesuna 5:33)

“Würiña, gaganbadi humá houn húmarigu; ligía katei buiti le lunbei hadügüni keisi afiñetiña luagu Wabureme Kristu.”

(Kolosana 3:18)

ISAANIGU

“Isaanigu, [...] keisi afiñetiña [...,] gaganbadi humá houn hagübürigu, lugundun ligía richabei. Anihán aban gumadi wéiriti lídangiñe lugumadin Bungiu le anügübei buiti woun lau wagunfuliruni: ‘Inebelá búguchi tuma búguchu bun lun buidu lan dan bun ani migife ligíame bibagari ya ubouagu’.”

(Éfesuna 6:1-3)

“Isaanigu, aganba humaña hagübürigu lidan sun katei, ladüga ligía hínsiñebei lun Bungiu.”

(Kolosana 3:20)