ÁLÜGÜDAHANI 17
Ida luba gunda lan hibagari keisi iduheñu?
WÜGÜRIÑA MARÍEITIÑA/AGÜBÜRIGU
“Lunti [...] tínsiñedun lúmari wügüri lun kei línsiñe lúgubu guánarügü lun. Le hínsiñehabuti tun lúmari hínsiñeguati lungua. Úati gürigia meberesenti lau lúgubu guánarügü; hóugüdarügü lumuti, góunigilei. Kada [...] aban hídangiñe lunti [...] hínsiñe tan lúmari lun kei línsiñegua lungua.”
“Agübürigu, magañidagüda humaña hisaanigu, agüriaharügü humaña buidu lun gaganbadi hamá, arufudaheina houn kei labusenruni Wabureme.”
WÜRIÑA MARÍEITIÑA
“[Lunti] inebe lan túmari würi tun.”
“Würiña, gaganbadi humá houn húmarigu; ligía katei buiti le lunbei hadügüni keisi afiñetiña luagu Wabureme Kristu.”
ISAANIGU
“Isaanigu, [...] keisi afiñetiña [...,] gaganbadi humá houn hagübürigu, lugundun ligía richabei. Anihán aban gumadi wéiriti lídangiñe lugumadin Bungiu le anügübei buiti woun lau wagunfuliruni: ‘Inebelá búguchi tuma búguchu bun lun buidu lan dan bun ani migife ligíame bibagari ya ubouagu’.”
“Isaanigu, aganba humaña hagübürigu lidan sun katei, ladüga ligía hínsiñebei lun Bungiu.”