ÁLÜGÜDAHANI 7
Ka profesía tídangiñeti Bíbülia ayanuhabei luagu wadaani?
“Lageindaguba aban ageiraü luma aban, lawuribuhaba aban fulasu luma aban [...]. Sun lira lagumeseharügügilime le lunbei lasufurirúniwa.”
“Hachülaaguba saragu yéetiña ariñaga luagu profetagu hamá ani saraguhaba gürigia heyeedun. Ñeinbei saragu wuribani darime lun heferidiruni saragu [...] ínsiñehabuni hádangua.”
“Danme le haganbuni layanuhóun luagu wuribu yarafa hun luma uganu luáguti burí wuribu díseti huéi, manufudedagua humá, ladüga ñeinbei wuribu súnwandan; gama lumoun mámagilime lagumuchun ubóu lira.”
“Ñeinbei óunwenbu burí hárabaganali, ilamaü, sandi, lidan ámuñegueinarügü fulasu; larihúba burí katei hanufunati sielu luma óunwenbu burí seini.”
“Liábinburiba [...] weyu hénrenguti lídounme lagumuhóun dan. Ladüga hóunguarügübei burí gürigia habusenra buiti, hínsiñebei seinsu houn, panta hagíame, barüguabaña houngua. Hadimurehaba wuriba luagu Bungiu, maganbunhabaña hagübürigu, meteingiradibaña, minebenme katei lánina Bungiu houn. Mínsiñehabubaña, magudemehabu, marasualugubaña, siñabei hárügüdagun houngua, hanarimebaña, láganibaña sun le buídubei. Halugurubaña hamadagu, hadügüba burí katei mabuidunti meberesenga hagía kaba lan asusereda lárigiñe, hanarimebei hanaagun houngua, háluahabei hagundan guánarügü lubaragiñe hamuga háluahani Bungiu. Hafamuruba kamá gúnfulitiña luma Bungiu gama lumoun larihúba luagu iyeeni lan lau ligaburi habagaridun.”