“Abagarida wamá lau afiñeni, mámarügü luagu le warihibei”

Murusun dan lubaragiñe hegeyedaguni áganiñu uburugu Herusalén lun hábürühan luagun luma lun hagünrinchaguni, abürühati apostolu Pábulu houn kristiánugu mosu lan hagurabun sun lisudaranigu Hesukrístu ha buítiña hasufuriruba lan ani mosu lanme hígiruni sun hamegegun ígira hameime híchugun ugundani hóuniwagua (2 Tim. 2:3, 4). Mégeitiwa wederebudagüdüni wafiñen lun wetenirun lun sun le lunbei wadügüni lidan weseriwidun lun Bungiu, guentotima lau ayarafadeina liña lan hagünrinchawagun lílana ubóu ha dísebaña luéi Bungiu (2 Ko. 4:18; 5:7). Ariha huméi bidéu “Abagarida wamá lau afiñeni, mámarügü luagu le warihibei” (gayaraabei hadariruni lidan jw.org/cab, lábugiñe AGUMEIRAGUAGÜDÜNI › BIDEU BURÍ) lídanñein chumagü. Ariha waméi ida liña lan ladügün ligaburi larihini Nadabü tuma Débora umegeguni lun hábürühan tidoun aban sádara gáfarahatu. Guentó, akutiha waméi álügüdahani burí le asigirubei.

1) Lidan furumiñeti sígulu, ka “katei iyereeguti” achülürübei “lidoun fulasu le sánduti”, ani ka meha hadügübei kristiánugu ha Herusalénbaña? (Mat. 24:15, 16). 2) Ka meha uagu megei habéi kristiánugu hagía afiñeni lun hanurahan lídangiñe uburugu ligía? 3) Ka meha sákürifisiu lunbei hadügüni? 4) Ka uagu tarü lubéi láfuridun Nadabü tuma Débora Herusaléngiñe? (Mat. 24:17, 18). 5) Ka amu óuchawaguni úmabei tagagibudagua Rakeli dan le táfuridunbei Herusaléngiñe? (Mat. 10:34-37; Mar. 10:29, 30). 6) Ka hénpulu lánina afiñeni luma emenigini luagu Heowá líchugubei Hafetü? 7) Ka lénrengunga úmabei hagagibudagua kristiánugu uburugu Pela? 8) Ida liña eferidireina lan hafiñen Nadabü tuma Débora? 9) Ida liña meha lóunigiruniña Heowá kristiánugu ha uburugubaña Pela? (Mat. 6:33; 1 Tim. 6:6-8). 10) Ida luba wáyeihani lani Abüraámü tuma Sara hénpulu eibu ayarafadeina lan lagumuchagüle ubóu le? (Ebü. 11:8-10). 11) Ka uagu lagiribuda Nadabü tuma Débora uburugun Herusalén, ani ka uagu heyeedaguña lubéi meha houngua? (Luk. 21:21). 12) Ídatima liña meha ibagari Herusalén dan lagiribudunbei Nadabü tuma Débora ñeinhin? 13) Ka uagu mosu lubéi wederebudagüdüni wafiñen guentó, lubaragiñe lachülürün lagumuchagüle ubóu? (Luk. 17:31, 32; 21:34-36).

Wabagaridun lau afiñeni mini lan 1) wafiñerun luagu Heowá, 2) wígirun lun ligía lan adundehei wabagari 3) gebegitima lan weseriwidun lun Heowá woun sügǘ lau umegeguni. Abagarida wamá lubeiti lau afiñeni ani adüga waméi lugundan Bungiu! Kei lariñaguni 1 Huan 2:17, “agumucheina liña [ubóu] lau burí sun luriban hayumahan gürigia; ánheinti le adügüti lugundan Bungiu, labagariduba lun sun dan”.