Ñeinbei águyuguni seremei lafayeirún lebegi asalbaruni

Ruti Laritaguagüle lounwen Kristu aban óunwenbu chansi woun lun wararamagun asaminara luagun sun katei buiti le lunbei weresibiruni seremei lafayeirún lebegi asalbaruni. Águyuguni aban lídangiñe. Mabuserungubeiñein Heowá lun wóunwegun. Ligía weiri lubéi igarigu le wasandirubei dan le lounwen aban gürigia le hínsiñeti woun (1 Ko 15:26). Súfuriti meha giñe Hesusu dan le larihinbaliña lani disipulugu ayahuahei lounwen Lásaru (Huan 11:33-35). Kei arufuda lubalin ligaburi Hesusu kátima lan ligaburibei Lúguchi, ligía subudi wabalin gari lan giñe lun Heowá dan le larihiniwa ayahuahei lounwen somu waduhe le hínsiñebei woun (Huan 14:7). Layumahaña Heowá lachülürün dan lun láguyuguagüdüniña lubúeingu ha meha úaraguabaña lun, ayumahatiwa giñe lachülürün dan ligía (Hob 14:14, 15).

Kei mínsiñe lubéi chagaguaü lun Bungiu, chouru wamuti mámaba lan lidan chagaguaü lasusereda águyuguni (1 Ko 14:33, 40). Mayahuahanhadiwame lidan burí ábunahani, adügarügaadiwame fedu lun wíchuguni lubuidun achülürüni houn águyugutiña. Sagatün san dan lun hararamagun asaminara luagun emenigini le, dántima le lounwen somu gürigia? (2 Ko 4:17, 18). Teinki humuti san Heowá luagu idewesei lánina águyuguni luma luagu lariñaguni woun tidan Bíbülia habagaridayaba lan hilaaña? (Kol 3:15).

• Ka hiduhe o humada busentima hubéi harihin danme le láguyugun?

• Ka hádangiñe gürigia ha uágubaña tabahüdagua Bíbülia hayumahabei hasubudirun luma hayanuhan luma?