Ka uagu gebegi lubéi áhuduraguni inarüniti hun?

Rutu meha ténpulu to larihiboun Esekiéli lidan aban arufudúni dǘgüdaguaü luma emenigini houn huríu ha anügǘbaña hageiragiñe luagu ladügayaba lan meha Heowá lun láhudurawagun lun lau arumani. Arihúaali derebugutimaahali lan áhuduraguni inarüniti lidan lagumuhóun dan le ani hádangiñetiwa sun néchanigu ha árügüdübaña luéigiñe (Isa 2:2). Héchutün san araramagua asaminara luagun lubuidun chansi le hibihubei lun hasubudiruni luma lun heseriwidun lun Heowá?

ABINIRÚNI BURÍ LE WERESIBIRUBEI SEREMEI ÁHUDURAGUNI INARÜNITI:

• 

  Saragu ariñahani lun gunfuranda wamanu lererun Bungiu le ruti óunabagülei lun álügüdahani burí súdiniti le hadügübei gürigia hóuniwagua, adundehani le íderagubaliwa lidan wabagari luma aban emenigini chóuruti (Isa 48:17, 18; 65:13; Rom 15:4).

• Lueirin ínsiñehabuni hadan íbirigu lidan sun ubóu (Sal 133:1; Huan 13:35).

• Lubuidun chansi lun wawadigimaridun úara luma Bungiu lidan aban wadagimanu le ruti ugundani woun (Adü 20:35; 1 Ko 3:9).

• “Lidarangilan Bungiu” le ruti erei woun dan le wagagibudagun luma lénrengunga (Fili 4:6, 7).

• Aban anigi harumatu (2 Tim 1:3).

• Lubuidun umadaguaü luma Heowá (Sal 25:14).

Ka burí gayaraabei nadügüni lun narufuduni gebegi lan áhuduraguni inarüniti nun?