Íderagua wamaña iseri íbirigu lun derebugu lan lébuna hafiñen
Ma lueirin wagundan lau warihini ida liña lan labiniruni Heowá wapurichihan! (2 Lur. 28:2.) Sagü irumu, badiseitiña hóugiñe 250,000 gürigia. Gama lumoun, lárigiñe labadiseirun aban gürigia másiñati aba lan desidírü lan íbiri le íchugubei aturiahani lun masigihali lan aturiaha luma lun gayara lan letenirun íderagua amu. Gayarati giñe lasuseredun masigirun lan aturiahati aturiaha lun gíbetima lan dan lásügürün lidan apurichihani. Gama lumoun, wéiriti lisudinin derebugu lan lébuna hafiñen iseri íbirigu. Mosu “ragüñu lan h[a]bagari” luagu Kristu “deregüdagu lidan hafiñen” (Kol. 2:6, 7; 2 Tim. 3:12). Ligíati, lárigiñe badiseihali lan aban aturiahati, lunti lasigirun aturiaha darí lagumuchunu líburu Kátima san tuma líburu “Línsiñehabu Bungiu” (ariha humóun Wani Ministeriu to lánina gádürü-hati irumu 2011, páhina 2, lídanrügüñoun chumagü).